នាព្រឹកថ្ងៃ សុក្រ ១១ រោច ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ១៧ ខែ មីនា ឆ្នាំ២០២៣ មន្ទីរសេដ្ឋកិច្ច និងហិរញ្ញវត្ថុខេត្តកំពតក្រោមការដឹកនាំដោយលោកអនុប្រធានមន្ទីរ និងសហការី បានរៀបចំកិច្ចប្រជុំផ្សព្វផ្សាយប្រកាសលេខ ០៨៩ សហវ.ប្រក ចុះថ្ងៃទី២០ ខែមករា ឆ្នាំ២០២០ ស្តីពីការគ្រប់គ្រងអាជីវកម្មអភិវឌ្ឍអចលនវត្ថុ និង ប្រកាសលេខ ០៣០ សហវ.ប្រក ចុះថ្ងៃទី១៣ ខែ មករា ឆ្នាំ២០១៧ ស្តីពីការគ្រប់គ្រងអាជីវកម្មទទួលបញ្ចាំ និងទទួលប្រាតិភោគដោយអនុប្បទានជូន រដ្ឋបាលឃុំ/សង្កាត់ លោក លោកស្រី នាយក នាយិកាក្រុមហ៊ុនប្រកបអាជីវកម្មអភិវឌ្ឍអចល់នវត្ថុ និងបញ្ចាំ និងប្រាតិភោគដោយអនុប្បទាន ។ គួរបញ្ជាក់ផងដែរ រាល់សកម្មភាពអាជីវកម្មពាក់ព័ន្ធនឹងវិស័យអភិវឌ្ឍអចលនវត្ថុ វិស័យបញ្ចាំ និងប្រាតិភោគដោយអនុប្បទាននៅក្នុងព្រះរាជាណាចក្រកម្ពុជា គឺតម្រូវឱ្យមានអាជ្ញាបណ្ណពីនិយ័តករអាជីវកម្មអចលនវត្ថុ និងបញ្ចាំ ឬលិខិតអនុញ្ញាតអាជីវកម្មពីមន្ទីរសេដ្ឋកិច្ច នឹងហិរញ្ញវត្ថុ រាជធានី-ខេត្ត ជាធរមាន ។ ដោយបច្ចុប្បន្ន មន្ទីរសេដ្ឋកិច្ច និងហិរញ្ញវត្ថុបានពិនិត្យឃើញថា សកម្មភាពអាជីវកម្មខាងលើ កំពុងតែមានការរីកដុះដាលគួរឱ្យកត់សម្គាល់ ស្របពេលដែលការផ្សព្វផ្សាយបទប្បញ្ញត្តិពាក់ព័ន្ធនៅមានចន្លោះនៅឡើយ។ ការណ៍នេះ ក្នុងគោលបំណងពង្រឹងប្រសិទ្ធិភាពនៃការអនុវត្តនូវបទប្បញ្ញត្តិពាក់ព័ន្ធខាងលើ មន្ទីរសេដ្ឋកិច្ច និងហិរញ្ញវត្ថុខេត្តកំពត ។